Низомиддин Урганжи жадидлар душманими, хоинлар душмани?

Низомиддин Урганжи жадидлар душманими, хоинлар душмани? Тарихчи Бахром Ирзаев мақоласидан ихтибос ; -Отаулла Хўжаев 1880 йил Бухоро шаҳрида, йирик қоракўл савдогари Қори Пўлатхўжа хонадонида дунёга келган. У аввал Бухорода эски мактаб ва мадрасада таҳсил олди. 1909 йил “Ёш бухороликлар”нинг “Тарбияи атфол” жамияти томонидан акаси Усмон Хўжаев, Абдурауф Фитрат ва бошқа иқтидорли ёшлар қаторида Туркияга ўқишга йўлланади. Истанбул шаҳрида таълим олиб қайтгач, уларнинг аксари 1913-1914 йилларда Бухоро амирлигида жадид мактаблари очиб, муаллимлик қилади. Отаулла Хўжаев 1915 йил Бухорода мутаассиб диндорларнинг талаби билан 45 кунга зиндонга ҳукм этилган. 1917 йил апрель намойишида Отаулла Хўжаев раҳбарлигида Ҳожи Мирбобо Мирмуҳсинов, Абдураҳим Юсуфзода кабилардан иборат “Ёш бухороликлар” делегацияси қушбеги ҳузурига юборилади. Улар мутаачсиб кучларнинг талаби билан Аркда қабул қилинмасдан зиндонга ташланади. Садриддин Айний, Мирзо Нарзулло, Мирзо Саҳбо каби жадидлар мавжуд тузум тарафдорлари томонидан қўлга олиниб калтакланади. Муваққат ҳукуматининг вакиллари ёрдами билан жадидлар зиндондан озод бўлади. Ота Хўжаев 1918 йил мартда “Колесов воқеаси”дан сўнг муҳожирликка кетиб Самарқандда Раҳмат Рафиқ Абдуллабеков билан биргаликда “Ёш бухороликлар”га раҳбарлик қилади. Тошкентга бориб турк асирлари Али Сомеъбек ва Усмонбеклар билан танишади. Сўл эсерлар партияси билан ҳамкорлик қилиб, уларнинг йиғинларида иштирок этади. " (ихтибос тугади) Отаулла Хўжаевнинг амакиси олим Темир Хўжа шу кунгача юқоридаги тарихни инкор қилиб келмоқда. Бухаро Амирлиги жумхурят тузимига ўтишга тайёргарлик кўрган. Жадидлар рахбари Гаспер Али Киримли билан шахасан Олимхон учрашув қилган. Жадид мактабларига рухсат ва молявий кўмак учун келишуви ҳам бор. Жадидлар Бухарода бемалол мактаблар очиб фаолият кўрсатишган. Келишмовчилик уларнинг атейист Болъшевеклар билан ҳамкорлик бошлаганидан кейин бошланган. Жадидчиликдан фойдаланиб Рус эсерлари, сўлчилари, болъшевекларини Бухарога харбий юриш қилишга чақириқгандан кейин Садриддин Айний, Мирзо Нарзулло, Мирзо Саҳбо, Файзулла Хўжаев, Атаулла Хўжаевларга қарши Низомиддин Урганжи чора кўра бошлаган. Дунёнинг биронта давлати, ташқаридан армия таклиф қиладиган гурухни севиб-силамайди. Юқоридагиларнинг биронтасини Урганжи ўлдирмади. Улар чақириб келган, рус коммунистлар отиб ташлашди жадидчиларни . Бир марта ишлатилади, хоинлар! Сафар Бекжон Урганжи. 31.01.2025