Рауф Парфига 1987

Rauf Parfiga.

Tong qon yig‘lab otmoqda ana,
G‘arbda qon yig‘lar kechqurin yana.
Shu zayl umrimiz qonlar ichida,
Aza taqiqda, hammayoq tantana.

Bog‘langan qo‘layok, bog‘landi xatto,
Turkiyda so‘zlagan bobolar tili.
Dunyoni unitgan darveshlar misol,
Ayri memleketdir ustoznig dili.

U boqmas otgan-u, otmagan tonga,
Erdan izlamag, dil mamlakatin.
U kezar samoda malaklar misol,
Bizga qoldirib jonli suratin.

Balkim Cho‘lpondan xabar keltirar,
Balki Fitrat to‘kar kosa sharobin.
Ustoz Turkiston tarafga ketgan.
Bizga qoldirib "Qaytish" kitobin.



Safar Bekjon, 1987 yil. Toshkent.
Qo‘lyozma G‘afur G‘ulom nashryoti tsenzurasida.



Рауф Парфига.

Тонг қон йиғлаб отмоқда ана,
Ғарбда қон йиғлар кечқурин яна.
Шу зайл умримиз қонлар ичида,
Аза тақиқда, ҳаммаёқ тантана.

Боғланган қўлаёк, боғланди хатто,
Туркийда сўзлаган боболар тили.
Дунёни унитган дарвешлар мисол,
Айри мемлекетдир устозниг дили.

У боқмас отган-у, отмаган тонга,
Ердан изламаг, дил мамлакатин.
У кезар самода малаклар мисол,
Бизга қолдириб жонли суратин.

Балким Чўлпондан хабар келтирар,
Балки Фитрат тўкар коса шаробин.
Устоз Туркистон тарафга кетган.
Бизга қолдириб "Қайтиш" китобин.



Сафар Бекжон, 1987 йил. Тошкент.
Қўлёзма Ғафур Ғулом нашрёти цензурасида.