Утмиш, инсон култигига сигмайдиган юкдир

   Утмиш, инсон култигига сигмайдиган юкдир. Агар утмиш култигимизга сигса эди, торвуздай тушириб юборишимиз мумкин эди.

Афсус утмиш оркада. Оркамиздаги юкдай, сиртимизда мазоргача кетадиган ва кафанланиб кумиб булмайдиган куринмас борликдир,  УТМИШ!

Кейинги бир неча йил ичида Узбекистон камокхоналаридан туртта сиёсий махкум озод килинди. Хаётларинг 17-20 йилигича камокхона деворлари ичида утмишга айланишини икки огиз сузга сигдирган инсонларнинг бугунги озод хаёти кимларни кизиктирмокда?

Бу инсонлар деворлар ортидаги “ гунглик-саколвик”га мажбур килинган утмишларини бугун кандай килиб ташишмокда?

Огирлик килмаяпдими бу зир-замбил утмиш?

Сураган суриштирган инсонлар бармок билан санарли !

Бу инсонлар озод килинмасларидан олдин;

фалончи менинг дустим булгани учун камокда, фалончи бизнинг партиядан булгани учун камокда, яна бошкаси акам, ёки укам булгани учун камокда деб "киброна" баёнотлар берган инсонлар уз утмиш юкларини кандай ташишаяпди?

Золимларга карши хеч кандай шахсий фикри йук буларнинг, факат бизнинг у ёнимизда, ё бу ёнимизда булганликлари уларнинг камалишига сабаб дея олиш учун уз утмишини култигида эмас елкасида таший олиш керак.

Хаётинг чорак кисмини панжра ортида утказган инсонлар бошкаларнинг наздида култик остидаги торвуздай экан. Ё ака ёки ука, дуст булганликлари учун камалганлар озод булиши ин бошкаларнинг култигидаги тарвузини тушириб юборгандай. Камокдан чикканлар уз утмишларини узлари ташишга давом этмокдалар. Бировларнинг култиклари остидан тушуб кетган тарвузлар парчаланди. Камокдан чикканлар уз утмишлари, гоялари салохиятлари учун камалганликларини аллакачон тушуниб еткан инсонлардир.

Зулум бировлар тамонидан килинса нариги дунёда ажри бор. Камокда улдирилса ва ёки вафот килса бу дунёнинг узида, гунохларидан фориг булган хисобланади.

Менинг укаларимдан учтаси 1999 йилдаги Тошкент портлашларидан куп утмай камалишди. Учтасидан иккитасининг чунтагига норкотика куйишган. Учинчиси эса такводор булгани учун норкотика куйишга уялишган шекилли, кушнинг норкотика сотганини кургансан. Буни бизга айтмаганинг учун камаласан дейишган. Учта укамни хам терговда сиёсий саволлар билан кийнашган. Бу маьлумотлар менга етказилди. Мен бирон марта сиёсий топширик бермаганман дедим. Уларни сиёсий махбус эълон килдирмадим. 4-5 йил кутишди ва чикаришди учаласини. Биттаси касалга чалиниб чикди ва узок яшамади. Огзига на сигарет ва нада алкол олмаган укам 34 ёшида оркасида фарзанд хам колдириолмай оламдан утди.

Иккитаси Россияга кочиб кетди. Биттасини у ерда тутиб камашди. Узбекистонда 4 йил камокда ва россияда 5 йил камокда утирган инсонни "алколик эди", наркоман эди ва Россия камокхонасида улди деб гийбат килишмокда.

Кучада юрганида ичган. чеккан булиши мумкин. Аммо хаётининг кейинги 9 йилини камокда утказган инсон оркасидан "алколик", "наркоман" деб гийбат килиш учун гумрох булиш керак.

Зулумнинг ози-купи булмайди. Шакли хам булмайди. Нохакликнинг бир мисколи кунига 70 ракат намоз килсанг хам ювилмайди. Иймоннинг дини, миллати хам булмайди. Яхши инсонни дин, миллат колипига солиш, Яратганинг бутун коинотга тарафсиз адолат таркатишига ишонмасликдир.

Сафар Бекжон. 

 26.02.2017