Hague Tribunal даги Узбекистон камокхоналари масаласи

Hague Tribunal даги Узбекистон камокхоналари  масаласи

 1998 йилда Женевада БМТ Инсон Хукуклари Коммисари оркали Le Haye (Xага) трибуналига берган хужжатларимда иккита курсатмам бор.
Биттаси, Узбекистондаги камокхоналардаги жиноятлар хакида.
Иккинчиси тугридан-тугри Абдукарим Шодиевнинг жаллодлиги хакида.
Тугрисини айтишим керак Шодиев шахсан менга хеч ёмонлик килмади.
Чунки собик ички ишлар вазири Хайдар Яхёев унга мен хакимда хар доим хабар бериб турарди.
Лекин Абдукарим Шодиев котил эди.
Мен у рахбарлик килган камокхонадаги котиллукларни уз кузим билан курдим, дустим машхур ёзувчи Мамадали Махмудов (Эврил Турон)
Абдукарим Шодиевнинг жаллодлигига гувох.
Абдукарим Шодиевга ухшаган одамларнинг махкамалари Халкга очик булиши керак.
Уларнинг Халкимиздан умарган бойликлари унинг тарафидан улдирилган кишиларнинг оилаларига таркатиб берилса адолатли буларди.
Бу инсонлар хакидаги Халкаро Терговга берган аризаларга кура тарафсиз экспертлар Узбекистонга таклиф килиниши керак.
Албатда бу менинг хаёлимдаги адолат: реал хаётда эса Абдукарим Шодиев котиллиги учун эмас, битта кланнинг бошка клан билан булган уришида
"жертво" килинган навбатдаги одам халос! 

Омон булинглар.

Safar Bekjon

12 март 2018 йил. 

Швейцаря

Куйида 1997 йилда босмадан чиккан Нариги дунё дарчаси олдида хужжатли китобдан парча.

“Сангород”–Тошкентнинг Куйлик мавзесида жойлашган УЯ 64-18 камокхонаси.
Рахбари полковник Карим Шодиев булади.
Уз навбатида, бу ер хам иккига булинган.
Биринчиси, умумий касалликлар, иккинчиси, сил касалликлари булими.
Иккала булимда беш мингтагача касал махбуслар сакланади.
“Сангород”, лойиха буйича, бир минг икки юз махбусга мулжалланиб курилган.
Тиббий хизмат номигагина “курсатилади”.
Дори-дармонни махбуснинг узи топиши керак.
Озик-овкат етишмайди.
Бу ерда малакасиз, бошка жойда иш тополмаган докторлар ёки касал махбуслар устидан медицина тажрибаларини утказишга келган илмий ходимлар ишлашади.
Чунки касалликдан улган махбуснинг жавобгарлиги й ук.
Икки варак когоз билан хаммаси жойида булади.
Ахмадхон Турахонбой угли (Аллох рахмат килсин шу ерда улдиришди) ака буларни куриб, чидай олмаганидан шикоят ёзган.
Бу фактларни текшириш урнига, унинг узини ун беш кун жарима камерасига ташлашган.
У ердаги азобдан кейин соглиги бешбаттар булганидан шикоят килди.
Ахмадхон ака бошидан кечирганла- рини хикоя киларкан, бу ердаги дахшатли ахволга куникинг, йукса сизни хам шу ахволга солишади, демокчилигини тушуниб турардим.
Мени жойлаштирган 8-чи палата деразаси шундок уликхонага караганди.
Базан кун буйи эринмасдан деразадан караб ётирардим.
Бир куни уликхонага уттиз еттита жасад олиб келишганини санадим.
Уликхонада бир-нечта хизматчи махбус ва доктор ишлайди.
Уларни тугридан-тугри одам кассоблари деса булади.
Совет давридаги конунларга кура, махбуснинг мурдаси уч кунгача кариндошларига берилмай, моргда ушлаб турилиши мумкин.
Моргда мурданинг кукрагидан киндигигача ёрилади ва ички органлари олиб ташланади, оёк, кёл ва буйин томирлари кесилади.
Мурданинг жиноятчиси, угриси, тугриси булмайди.
Жасад–рух тарк этган кийим, холос.
Уни тупрокка бериш Оллох олдидаги бурчимиздир.
Лекин бу жонсиз лошнинг томирлари кесилиши заруратини хеч англамайман.
Англатсалар хам англашни истамайман, чунки бу инсонийликка зиддир.
“Сангород” жиноятчилар дунёсининг “крестиги”* хисобланади.
Бу ерга Узбекистоннинг барча камокхоналаридан касал махбуслар келтирилади.
Жиноятчилар дунёси вакиллари пора эвазига касал киёфасида бу ерга келтирилиши уюштирилади.
“Сангород”– Узбекистон жиноятчилар дунёсини уз назоратида ушлаб турган “вор в законе”нинг кароргохи деса булади.
Бу ерда унга тула шароит яратилган.
Бу кароргохда истаган пайтида истаганича оиласи билан яшай олади.
Озодликда юриб, узини бой санаган одам “вор в законе”нинг бу ердаги хаётига хавас килиши мумкин.
Унтадан ортик ёрдамчиси, унлаб хизматига тайёр турган йигитлари бор.
Оддий махбуснинг ёнида нинани хам утказмайдиган сокчилар, унинг номига келган бир машина тула совга-саломни хам бемалол утказиб юборади.
Уша пайтда “вор в законе” Вахтанг исмли гуржи миллатига мансуб киши эди. 

1997 йил.

Sefer Bekcan